ശ്രീ ശാരദാദേവി ശിശുവിഹാര്‍ യു.പി സ്കൂള്‍ വഴുതയ്ക്കാട് : സ്കൂൾ സ്പോർട്സ്2017

ഹരിതപുരസ്കാരം 2007

ബയോഗ്യാസ് പ്ലാന്റ്

കമ്പ്യൂട്ടര്‍ പഠനം

എട്ട് കമ്പ്യൂട്ടറുകളുള്ള ഒരു നെറ്റ് വര്‍ക്കിംങ് ലാബ് ശിശുവിഹാറിനുണ്ട്. ഇന്‍റര്‍നെറ്റ് സൗകര്യവും സ്കൂളില്‍ ലഭ്യമാണ്. പ്രീ പ്രൈമറി, എല്‍.പി, യു.പി ക്ലാസ്സുകള്‍ക്ക് ആഴ്ചയില്‍ രണ്ടു പീരിയഡ് കമ്പ്യൂട്ടര്‍ പരിശീലനം നല്‍കുന്നു.

ഓഡിയോ വിഷ്വല്‍ ലാബ്

പഠന പ്രവര്‍ത്തനങ്ങള്‍ അനായാസേന മനസ്സിലാക്കാന്‍ സഹായിക്കുന്ന മുന്നൂറോളം സി ഡി കളും ഡി വി ഡി കളും ഉപയോഗിക്കാന്‍ ഈ സംവിധാനത്തിലൂടെ കഴിയുന്നു. ഇതിനായി ആഴ്ചയില്‍ ഒരു പീരിയഡ് വീതം നീക്കി വയ്ക്കുന്നു.

നഭസ്സ് (കുട്ടികളുടെ പ്രസിദ്ധീകരണം)

കുട്ടികള്‍ അവരുടെ രചനകള്‍ സ്വന്തമായി ഡി.റ്റി.പി ചെയ്ത് തയ്യാറാക്കിയ മാഗസീനായ നഭസിന്റെ പ്രകാശനം ബഹു: സൗത്ത് A. E. O ശ്രീമതി പി.ജി ചന്ദ്രിക ഈ സ്കൂളിലെ പൂര്‍വ്വ വിദ്യാര്‍ത്ഥിയും, പ്രശസ്ത നടനും, ഗായകനുമായ ശ്രീ രാജീവ് രംഗന് ആദ്യ പ്രതി നല്‍കി നിര്‍വ്വഹിച്ചു.

കുട്ടന്റെ പട്ടം

കുട്ടന് കിട്ടി നല്ലൊരു പട്ടം

കാറ്റില്‍ പാറി നടക്കും പട്ടം

പരുന്തിനെ കണ്ടാല്‍ ഭയക്കും പട്ടം

മഴ വന്നാല്‍ ഒളിക്കും പട്ടം

കൂട്ടുകാരോട് കളിക്കും പട്ടം - ഗൗരി ബി.ആര്‍ രണ്ട് എ

സംസ്ഥാന ബാല സാഹിത്യഇന്‍സ്റ്റിറ്റ്യൂട്ട് ഇറക്കുന്ന 'തളിര്' ' മാസികയില്‍ പ്രസിദ്ധീകരിച്ച കഥ

പൂപ്പൊലി ചിന്തുകള്‍

അമ്മേ ഞാമ്പോണൂ...പ്രാതല്‍ പകുതി നിര്‍ത്തി ധൃതിയില്‍ വായുംമുഖവുംകഴുകി ,ബാഗുമെടുത്ത്നാന്‍സി സകൂളിലേക്കോടി.സ്കൂളില്‍ ഇന്ന് അത്തപ്പൂക്കള മത്സരമാണ്.പത്രത്താളില്‍ നിന്ന് വെട്ടിയെടുത്ത മാതൃക കാട്ടിക്കൊണ്ട് റഫീഖ് പറഞ്ഞു.ഇതാ ഡിസൈന്‍,ഇതു പോലെ പൂക്കളമൊക്കിയാല്‍ നമ്മള്‍ ഫസ്റ്റടിക്കും.ഒറപ്പാ.ചോക്ക് കൊണ്ട് തറയില്‍ ഡിസൈന്‍ വരച്ചത് നിമിഷയാണ്,സ്കൂളില്‍ ഒന്നാം സമ്മാനം കിട്ടിയ ചിത്രകാരിയാണവള്‍.ഡിസൈന്‍ പൂര്‍ത്തിയായിട്ടും പൂക്കള്‍ എത്താത്തതില്‍ എല്ലാവരും വിഷമിച്ചു.ജാക്സണാണ് പൂ വാങ്ങാന്‍ പോയത്,മണി ഒന്‍പത് കഴിഞ്ഞു.ഇനിയും അവന്‍ വന്നിട്ടില്ല.കാത്തിരിപ്പിന് അവസാനം കുറിച്ചുകൊണ്ട് സൈക്കിളില്‍ വിയര്‍ത്തൊലിച്ച് ജാക്സണ്‍ എത്തി.പുതിയ സ്റ്റൈലില്‍ നീട്ടി വളര്‍ത്തിയ മുടി മാടിയൊതുക്കി,മുഖത്തെ വിയര്‍പ്പുതുടച്ചുകൊണ്ടവന്‍ പൂക്കുട താഴെയിറക്കി വച്ചു.രാവിലെ അഞ്ചു മണിക്ക് പോയി നിന്നതാണ്.മുടി‍ഞ്ഞ തിരക്ക്.ജമന്തിപ്പൂ കിട്ടിയതുമില്ല.ജാക്സണ്‍ കദനകഥ വിവരിച്ചു.ജമന്തിപ്പൂ ഇല്ലെങ്കില്‍ വേണ്ട.പകരം നമുക്ക് കുറേ പ്ലാസ്റ്റിക്ക് പൂക്കള്‍ വാങ്ങാം.വിനോദ് പരിഹാരം കണ്ടെത്തി.അതു പറ്റില്ല.ഒറിജിനല്‍ പൂക്കള്‍ കൊണ്ട് വേണം അത്തപ്പൂക്കളമിടാന്‍.ഇല്ലെങ്കില്‍ മാര്‍ക്ക് പോകും.സരളടീച്ചര്‍ നിയമത്തിന്റെ ചൂരല്‍ വടിയുയര്‍ത്തി..ഒരു വണ്ടി കൂടി വരാനുണ്ട്.അതില്‍ ജമന്തിപ്പൂ കാണാതിരിക്കില്ല.ഞാനൊന്നുകൂടി പോയി നോക്കാം.ജാകസണ്‍ പറഞ്ഞു.വേണ്ട ഇനി ഞാന്‍ പോവാം.നീ ഒന്ന് പോയി തളര്‍ന്നതല്ലെ.റഫീഖ് പറഞ്ഞു.റഫീഖിന്,തന്റെ പുതിയ സൈക്കിള്‍ ചവിട്ടാനുള്ള തന്ത്രമാണിതെന്ന് ജാക്സനറിയാമായിരുന്നു.അല്ലെങ്കില്‍ റഫീഖ് ഒരു കുഴിമടിയനാണ്.പക്ഷെ,ജാക്സണ്‍ ഒന്നും ഉരിയാടിയില്ല.പകരം ഇത്രമാത്രം പറഞ്ഞു,എന്നാലേ വേഗമാകട്ടെ.അല്ലെങ്കില്‍ പിന്നെയും തിരക്കാവും.റഫീഖ് സൈക്കിളുമെടുത്ത് പോയി.ന്നാ,നമക്കങ്ങോട്ടിട്ടു തുടങ്ങിയാലോ?നാന്‍സി നിലത്ത് മുട്ടുകുത്തി ഇരുന്നു കഴിഞ്ഞു.റഫീഖ് വരുമ്പഴേ,സമയം കുറേ പോവും.ജമന്തിക്കുള്ള സ്ഥലം തീരുമാനിച്ചിട്ട് ബാക്കിയുള്ളോടത്തൊക്കെ നമുക്കിപ്പഴേ പൂവിടാം.അവള്‍ അരളിപ്പൂവെടുത്ത് ഞെട്ടു കളഞ്ഞുകൊണ്ട് പറഞ്ഞു.മറ്റുള്ളവരും അങ്ങനെ തന്നെ ചെയ്യാന്‍ തുടങ്ങി.സരളടീച്ചര്‍ കാര്യങ്ങള്‍ ഒരൊത്തുതീര്‍പ്പിലെത്തി എന്നുറപ്പിച്ചുകൊണ്ട് സ്റ്റാഫ് റൂമിലേക്ക് പോയി.ങാ,പിന്നേ അഞ്ജലീ,മാവേലി വാനരനെ ചവിട്ടിത്താഴ്ത്തിയ കഥയും അത്തപ്പൂക്കളമായിട്ടെന്താ ബന്ധം?നാന്‍സി തിടുക്കത്തില്‍ പൂവിടുന്നതിനിടക്ക് ചോദിച്ചു.വാനരനല്ല,വാമനന്‍.വാനരന്‍ന്നുവച്ചാ കുരങ്ങന്‍ന്നാ.അഞ്ചലി ചിരിച്ചുകൊണ്ട് തിരുത്തി.നാന്‍സി,വേറേതോ സ്കൂളിലാണ് ഈ വര്‍ഷം വരെയും പഠിച്ചിരുന്നത്.കന്യാസ്ത്രീകളുടെ സ്കൂളായതിനാല്‍ അവള്‍ക്കവിടം ഒട്ടുമേ ഇഷ്ടമല്ല.മാത്രമല്ല,ഓണത്തെക്കുറിച്ചുള്ള ഐതീഹ്യമൊക്കെ ഈ സ്കൂളില്‍ വന്നപ്പോഴാണ് ആദ്യമായി കേള്‍ക്കുന്നത് തന്നെ.അതുകൊണ്ട് അതൊക്കെ അവള്‍ക്കൊരു കൗതുകമായാണ് തോന്നിയത്.അതേയ്,മാവേലി വര്‍ഷത്തിലൊരിക്കല്‍ നാടുകാണാന്‍ വരുമ്പോള്‍ ആള്‍ക്കാര്‍ പത്തു ദിവസം അത്തമിടുന്നതായൊക്കെയാണ് ഞാന്‍ കേട്ടിട്ടൊള്ളത്.ആവോ,സത്യം എനിക്കറിയില്ല.അഞ്ചലി വിവരിച്ചുകൊടുത്തു അന്നേരം നൂറു വര്‍ഷങ്ങള്‍ക്കുമുമ്പും മനുഷ്യര് കടേന്ന് പൂ വാങ്ങിച്ചിടുവോ?നാന്‍സി നിഷ്കളങ്കമായി ചോദിച്ചു.എന്റെ നാന്‍സി,അന്നേരമൊക്കെ അവര്‍ തൊടിയില്‍ നിന്നും പൂ പറിച്ചാണ് പൂക്കളമിട്ടത് പൊതുവേ നിശബ്ദയായിരുന്ന നിമിഷയ്ക്ക്സഹികെട്ടു.അപ്പഇപ്പഴോ?ഇപ്പഴെന്താ ആള്‍ക്കാര് മുറ്റത്ത് നിന്ന് പൂപ്പറിക്കാത്തേ നാന്‍സിക്കിനിയും സംശയം.ങാഹാ,അങ്ങനാണെങ്കിലേ നിന്റെ മുറ്റത്ത് എത്ര തരം പൂവൊണ്ട്?ജാക്സണ്‍ചോദിച്ചു.എന്റെമുറ്റത്തോ?ആന്‍തൂറ്യം,ഓര്‍ക്കിഡ്,യൂഫോബിയ,ചെയഞ്ചിംഗ് റോസ്-,മതി മതി..ഇതിലേതെങ്കിലും പൂവ് അത്തമിടാന്‍‍ കൊള്ളുമോ?ങാ ഇതുപോലെ തന്നെയാണ് ഞങ്ങടെയെല്ലാം മുറ്റങ്ങളും.ഒരിടത്തും നല്ല പൂവില്ല.പിന്നേണ്ടല്ലോ-അപ്പോഴേയ്ക്കും ബെല്ലടിച്ചുകൊണ്ട് റഫീഖ് വന്നു.അവന്റെ കയ്യില്‍ തട്ടിക്കൂട്ടിയിടാന്‍ മാത്രം പൂവുമുണ്ട്.ഇത്രേ കിട്ടിയുള്ളു,ഞാന്‍ കൂടി വാങ്ങിച്ചതോടെ കടയില്‍ ജമന്തിപ്പൂ തീരുകേം ചെയ്തു.അവന്‍ കിതച്ചുകൊണ്ട് പറഞ്ഞു.അവര്‍ പിന്നെ ജമന്തിപ്പൂ വൃത്തിയാക്കി അത് ഇറുക്കുന്ന പണിയിലേര്‍പ്പെട്ടു.ജാക്സണ്‍ വീണ്ടും പറഞ്ഞു തുടങ്ങി,പിന്നേണ്ടല്ലോ,.മതി മതി ബാക്കി ഞാന്‍ പറയാം.അഞ്ജലി തട്ടിക്കയറിപ്പറഞ്ഞു.അല്ല സംഗതിയെന്താ?റഫീഖ് കാര്യമറിയാതെ ചോദിച്ചു.അല്ലാ നമ്മുടെ നാന്‍സിക്ക് ഓണത്തെക്കുറിച്ചൊരു ചെറിയ സംശയം.അതൊന്നു തീര്‍ത്തു കൊടുക്കുന്നതാ.എന്നിട്ട് അഞ്ജലി ഒരു ജ്ഞാനിയെപ്പോലെ തുടര്‍ന്നു.നാന്‍സി ,ഇപ്പോള്‍ കേരളത്തിലെ ആര്‍ക്കും പൂ കൃഷി ചെയ്യാന്‍ താത്പര്യമില്ല.ഓണത്തെ അവര്‍ പുതിയ ഫ്രിഡ്ജും,ടി.വിയും വാങ്ങാനുള്ള ഉത്സവമായി കാണുന്നു.അത്തമൊക്കെ ഇടുന്നത് ഒരാചാരം എന്ന മട്ടില്‍.അതും പൂ വാങ്ങുന്നത് മറ്റു സംഥാനങ്ങളില്‍ നിന്നും,അപ്പോള്‍ മെച്ചമാര്‍ക്കാ?അന്യനാട്ടുകാര്‍ക്ക്.അവര്‍ വല്ല്യ അളവില്‍ പൂ കൃഷി ചെയ്യും,എന്നിട്ടിവിടെ വില്‍ക്കും.അല്ല,അവര്‍ക്കിതൊരു ബിസിനസ് ആണെന്നെ.അഞ്ജലി പറഞ്ഞു നിര്‍ത്തി.അല്ല,ഓണം ഇത്ര വല്ല്യ ആഘോഷമാണെങ്കില്‍ കേരളീയര്‍ക്ക് അത് മര്യാദയ്ക്ക് നടത്തിയാലെന്താ?മുറ്റത്തെ പൂപറിച്ചാലെന്താ?അന്യനാട്ടീന്ന് പൂ വാങ്ങിച്ച് മുറ്റത്ത് പൂക്കളമിട്ടാല്‍ പിന്നെ എന്തോണമാണ്?അത് പിന്നെ നമ്മുടെ ഓണമാണോ?എന്നൊക്കെ നാന്‍സിക്ക് ചോദിക്കണമെന്നുണ്ടായിരുന്നു.പക്ഷെ തന്റെ കൂട്ടുകാരെ ഇനിയും വിഷമിപ്പിക്കേണ്ടെന്നു കരുതി അവള്‍ ഒന്നും ചോദിച്ചില്ല.അപ്പോഴേയ്ക്കും അവര്‍ പൂക്കളമിട്ടുകഴിഞ്ഞിരുന്നു.പൂക്കളമിട്ടു കഴിഞ്ഞെന്ന് ഏതോ അത്ഭുതശക്തികൊണ്ടറിഞ്ഞു എന്നപോലെ സരളടീച്ചര്‍ ആ നിമിഷം വടിയുമായ് പ്രത്യക്ഷപ്പെട്ടു.അല്ല.ടീച്ചറെ കൂട്ടുകാരോട് ചോദിക്കണ്ട,എന്നാല്‍ ടീച്ചറോട് ചോദിക്കാലോ തന്റെ സംശയങ്ങള്‍.എന്നു കരുതി നാന്‍സി തുടങ്ങി.ഡീ.ഇനി ടീച്ചറെക്കൂടി കുഴക്കിയ്ക്കോ.മിണ്ടാതിരി.നിമിഷ അവളോട് പിറുപിറുത്തു.ഉം എന്താ നാന്‍സി?സരളടീച്ചര്‍ ചോദിച്ചു.ഞങ്ങടെ പൂക്കളം എങ്ങനുണ്ട് ടീച്ചറെ?കൊള്ളാം.മറുപടി.താങ്കയൂ ടീച്ചര്‍.ന്നാ,നമുക്ക് പുറത്ത് പോവാം?വിനോദ് ചോദിച്ചു പോവാം,പോവാം. കുട്ടികളെല്ലാവരും പുറത്തോക്കോടി.നാന്‍സി മാത്രം അപ്പോഴും ചിന്തമഗ്നയായി നിന്നു.കേരളത്തിലെ ഓണത്തെക്കുറിച്ച് അവള്‍ക്ക് സംശയങ്ങള്‍ ഇനിയും ബാക്കിയായിരുന്നു.വര്‍ഷങ്ങള്‍ കഴിയും തോറും കൂടുതല്‍ കൂടുതല്‍ കച്ചവടമായി മാറുന്ന ഓണം.ആ സമയത്ത് കുട്ടി പൂക്കളത്തെ മറക്കുമല്ലോ,പൂക്കളം ഇട്ടാല്‍ തന്നെ അത് മുഴുവന്‍ കംമ്പ്യൂട്ടറിലായിരിക്കുമല്ലോ,മാവേലിയുടെ മനോഹരമായ ആ കഥ അവര്‍ മറക്കുമല്ലോ,എന്നൊക്കെയോര്‍ത്ത് ആ നിഷ്കളങ്കമായ മനസ്സ് പിടച്ചു.എന്നിട്ടു മലയാളികള്‍ എന്താണ് ഇതൊന്നും മനസ്സിലാക്കാത്തത് എന്ന ചോദ്യം അവളെ വിഷമിപ്പിച്ചു കൊണ്ടേയിരുന്നു.

-റെയിന്‍ സൂസന്‍ ഏഴ് ബി

പൂമഴ

മഴ മഴ മഴ മഴ പൂമഴ

ആടിപ്പാടാന്‍ പൂമഴ

മഴയ്ക്കുമുണ്ടൊരു ചങ്ങാതി

ഏഴഴകുള്ളൊരു മഴവില്ല്

തുലാവര്‍ഷം വരുന്നു

തിമിര്‍ത്തു പെയ്യും പൂമഴ

എന്തെല്ലാമമ്പമ്പോ പേമഴയായി

പെയ്യും കുസൃതി മഴ

-മിഥുല്‍ കെ ജോഷി അഞ്ച് ബി

മഴ

മഴ എന്റെ മനം തട്ടി

മഴവില്ലിനേഴു നിറങ്ങള്‍

വിസ്മയിപ്പിച്ച ഏഴ് നിറങ്ങള്‍

ആകാശത്ത് മിന്നി മിന്നി

പടപട ഇടിവെട്ടി

മിന്നി മിന്നി മിന്നലുമായ്

മഴ എന്റെ മനം തട്ടി

മഴവില്ലിനേഴു നിറങ്ങള്‍ -ബിജോയ് എം ഏഴ് എ

പുഴു

പുഴുവേ...പുഴുവേ ചക്കരപ്പുഴുവേ

എങ്ങോട്ടാണീ സഞ്ചാരം

ഇലകള്‍ തിന്നാന്‍ പോവുകയാണോ

എവിടുന്ന് കിട്ടി പച്ച ഉടുപ്പ്

ചുവന്ന തൊപ്പി ആരു തന്നു

പച്ച പുഴുവേ പുഴുവമ്മാവാ

- അനാമിക മൂന്ന്.ബി

എന്‍ ബാല്യം

ഒരു കു‍ഞ്ഞു പമ്പരം പോലെ കറങ്ങീടും

എന്‍ ബാല്യം ഞനോര്‍ത്തു പോയി

മുത്തച്ഛന്‍ മാവിന്റെ താഴത്തിരുന്ന്

കഥ കേള്‍ക്കും കാലം മാഞ്ഞുപോയി

കുസൃതി കാട്ടുമ്പോള്‍ വടിയുമായെത്തുമെന്‍

അമ്മാവന്‍ തന്‍ മുഖം മറന്നു പോയി

ഗുരുകുലം കാണാന്‍ കൊതിക്കുന്ന കാലം

എന്‍ മുന്നില്‍ കൂടി മറഞ്ഞുപോയി

ഒരു വട്ടം കൂടി കാണാന്‍ കൊതിക്കുന്നു

ഞാനെന്‍ സുന്ദര ബാല്യകാലം.

ആര്യ എല്‍.എസ് ഏഴ്.എ

സ്കൂള്‍ തല കലോത്സവുമായി ബന്ധപ്പെട്ട് നടത്തിയ കവിതാ രചനയില്‍ മൂന്നാം സമ്മാനത്തിനര്‍ഹമായ കവിത.

വര്‍ണ്ണാഭമായ പ്രകൃതി

സുന്ദരമാം പ്രകൃതി മനോഹരമാം പ്രകൃതി

കേരം തിങ്ങും എന്‍ നാട്ടിലെ

സുന്ദരമാം പ്രകൃതി

അഴകുള്ള നദികളൊഴുകും ചന്തമുള്ള പ്രകൃതി

പാട്ടുപാടി ഒഴുകും പുഴകളുള്ള

തെളിനീര്‍ തടാകവും ഇരമ്പുന്ന കടലുകളും

അഴകാര്‍ന്ന തെങ്ങുകളും ചെടികളും

കാറ്റത്തുലയുന്ന പൂക്കളും നിറഞ്ഞ

ആമ്പല്‍ കുളത്തില്‍ ചിരിതൂകി

നില്‍ക്കുന്ന ആമ്പലുകളും

നിറഞ്ഞ എന്‍ സുന്ദര പ്രകൃതി.

കേരം തിങ്ങിയ നാട്ടില്‍ നൃത്തം ചെയ്യുന്ന

പൂങ്കാവനം.

സുന്ദരമായ പൂക്കളില്‍

തേന്‍ നുകരാനെത്തുന്ന കൊച്ചു തുമ്പിയും വണ്ടുകളും

വഴിയോര പാദകളില്‍ വീണ

ചോര നിറമുള്ള ചുവന്ന പൂക്കള്‍

മരങ്ങളില്‍ പൂത്തുലഞ്ഞ കായ്കനികള്‍.

പൂത്തു തളിര്‍ത്തു തരുകളില്‍

വര്‍ണ്ണം വാരി വിതറുന്നപോലെയുള്ള പഴങ്ങള്‍.

വര്‍ണ്ണാഭമായ പ്രകൃതി സുന്ദര പ്രകൃതി

-സഫ്ന കബീര്‍ എ

ഏഴ് സി

Cat

I like the cat

Beautiful colour

Brown and black

Super cat

-ബിബിന്‍. ബി

നാല്.ബി

പാവം കുറുക്കന്‍

ഒരിടത്ത് ഒരു കാട്ടില്‍ ഒരു പാവം കുറുക്കനുണ്ടായിരുന്നു.കുറച്ചു നാള്‍ കഴിഞ്ഞപ്പോള്‍ കുറുക്കന് കാട്ടില്‍ ഭക്ഷണമില്ലാതായി.കുറുക്കന് ഭക്ഷണമില്ലാതെ ജീവിക്കാന്‍ പറ്റില്ലെന്ന് കുറുക്കന്‍ പറഞ്ഞു.ഇതു കേട്ട മുയല്‍ കുറുക്കന്റെ ആടുത്തേക്ക് വന്നു.അപ്പോള്‍ കുറുക്കന്‍ ചോദിച്ചു നീ എന്തിനാണ് ഇങ്ങോട്ട് വന്നത്.മുയല്‍ പറഞ്ഞു നിന്റെ വിളി കേട്ടാണ് വന്നത്.അപ്പോള്‍ കുറുക്കന്‍ പറഞ്ഞു എനിക്ക് ഭക്ഷണമില്ലാതെ ജീവിക്കാന്‍ പറ്റില്ല.മുയല്‍ പറഞ്ഞു എന്നാല്‍ നീഎന്നെ തിന്നോളൂ.അപ്പോള്‍ കുറുക്കന്‍ പറഞ്ഞു എനിക്ക് നിന്നെ തിന്നണ്ട പക്ഷെ നീ എനിക്കൊരു സഹായം മാത്രം ചെയ്തു തന്നാല്‍ മതി.എന്താണ് ?പറയൂ മുയല്‍ ചോദിച്ചു.നീ എന്റെ കൂട്ടുകാരനാകണം.കുറുക്കന്‍ പറഞ്ഞു.ശരി ആവാമല്ലോ മുയല്‍ സമ്മതിച്ചു.

-അശ്വിന്‍ ആര്‍

നാല് ബി

സ്കൂള്‍ തല കലോത്സവുമായി ബന്ധപ്പെട്ട് നടത്തിയ കവിതാ രചനയില്‍ രണ്ടാം സമ്മാനത്തിനര്‍ഹമായ കവിത

പ്രകൃതിയാളമ്മ

വരുന്നു വസന്തം നാടെങ്ങും

ചൊരിഞ്ഞു സുഗന്ധമെങ്ങും പൂക്കള്‍

പുല്‍ തകിടിയില്‍ ഇളം കാറ്റ് തലോടവേ

കാതോര്‍ക്കയായി ഞാന്‍ കുയിലിന്റെ

നാദം കേള്‍ക്കാന്‍

വരുകയായ് ഇളം വെയില്‍ പുഞ്ചിരിയോടെ

പ്രകൃതിയായ അമ്മയുടെ മക്കളല്ലേ

ചെറുവസന്തം

നദികളടെ കളകളാനന്ദം കേട്ട്

രസിപ്പൂ ഞാന്‍

അമ്മയുടെ വിരല്‍ പിടിച്ച് പിച്ച വയ്ക്കവേ

കണ്ടു ഞാന്‍ മറ്റൊരമ്മയേ

എന്റെ പ്രകൃതിയാമമ്മയേ

19 കൂരിരുട്ടാല്‍ നമ്മുടെ കണ്ണുമൂടിയാലും

പ്രതീക്ഷയായ് നിന്നാള്‍ എന്റെ പ്രകൃതിയാളമ്മ

പച്ചയാം വിരിപ്പിന്റെ ഉടമയായ് അമ്മ

നമ്മെ വഹിക്കുന്ന സ്നേഹസ്വരൂപി-

യാം അമ്മ

അമ്മതന്‍ കുഞ്ഞായനമ്മള്‍

അമ്മയെ സ്നേഹിക്കേണം.

-ജഗന്‍ ബി എല്‍ ഏഴ് എ

അമ്പിളിമാമന്‍

രാവിലിരുട്ടില്‍ പുഞ്ചിരി തൂകി

താരകക്കൂട്ടത്തിനിടയില്‍ നിന്ന്

വെളിച്ചം കാട്ടിത്തരുന്നവനല്ലേ

വെള്ളിക്കിണ്ണം പോലുള്ള

പുഞ്ചിരി തൂകുന്നവനാണ്.

നീലനിലാവില്‍ മിന്നി-

ത്തിളങ്ങുന്ന

അമ്പിളി മാമനെ അറിയില്ലേ? -അലീന എം എച് നാല് .സി

സ്കൂള്‍തല കലോത്സവുമായി ബന്ധപ്പെട്ട് നടത്തിയ കഥാരചനാ മത്സരത്തില്‍ രണ്ടാം സ്ഥാനത്തിനര്‍ഹമായ കഥ

ശബ്ദമില്ലാത്ത സ്വപ്നം

അനശ്വര ടെക്സ്റ്റ് ബുക്ക് തുറന്നു.ഒരു രാജകുമാരി ഒരു ഉദ്യാനത്തില്‍ നില്‍ക്കുന്ന മനോഹരമായ പടം.രാജകുമാരി പാടുന്ന പാട്ടാണ് പാഠഭാഗം.തനിക്കാ രാജകുമാരിയാകാന്‍ കഴിഞ്ഞിരുന്നെങ്കില്‍ എന്ന് അനശ്വര ആശിച്ച.വര്‍ണ്ണപ്പട്ടുടുപ്പ്,സ്വര്‍ണ്ണ തലമുടി,ആഹാ.എന്ത് രസമായിരിക്കും.ഒരു നിമിഷം അവള്‍ കണ്ണടച്ചു.കണ്ണ് തുറന്നപ്പോള്‍ ചുറ്റും പവിഴമലകള്‍ കാലിന്നരികിലായ് കൊച്ച് പൂക്കള്‍ ചിരിച്ചുകൊണ്ട് തലയാട്ടി.തന്റെ കൈകളും കാലുകളും നിറയെ ആഭരണങ്ങള്‍.തലയില്‍ വജ്ര കിരീടം.ഇട്ടിരിക്കുന്ന ഉടുപ്പോ,ഏറ്റവും സുന്ദരം.ഏറ്റവും നിര്‍മലമായ പട്ടുകൊണ്ട് നിര്‍മ്മിച്ചത്. അനശ്വരയുടെ സന്തോഷത്തിന് അതിരില്ലായിരുന്നു.അവള്‍ അകലെ കണ്ട ഒരു കുളത്തിനരികിലേക്ക് നടന്നു.അതില്‍ പല വര്‍ണ്ണത്തിലും ആകൃതിയിലുമുള്ള മീനുകള്‍ നീന്തിത്തുടിക്കുന്നുണ്ടായിരുന്നു.അടുത്തുള്ള മരത്തില്‍ ഒരു വര്‍ണ്ണശബളമായ പക്ഷി ഇരിക്കുന്നുണ്ടായിരുന്നു.ഏതാണെന്ന് അനശ്വരയ്ക്ക് മനസ്സിലായില്ല.പക്ഷിയോട് അത് ചോദിക്കാന്‍ വായ തുറന്നതും,അവളുടെ കണ്ണില്‍ ഒരു പൊടി പോയി.അനശ്വര കുറേ നേരം കണ്ണടച്ചു പിടിച്ചപ്പോള്‍ സ്ഥലമാകെ മാറിയിരിക്കുന്നു!നേരത്തെ താനൊരു താഴ്വാരത്തിലായിരുന്നെങ്കില്‍,ഇപ്പോള്‍, ഒരു മഞ്ഞു മൂടിയ മലയുടെ മുകളില്‍ എത്തിയിരിക്കുന്നു. ടി.വി.യില്‍ കാണുന്ന കുട്ടികള്‍ ഇടുന്നതുപോലെയുള്ള,ചൂട് നിലനിര്‍ത്തുന്ന ഉടുപ്പുകളാണ് താനും അണിഞ്ഞിരിക്കുന്നത്.തലയില്‍ രോമത്തൊപ്പിയും.അനശ്വര മഞ്ഞു കട്ടകളെടുത്ത് കളിക്കാന്‍‍ തുടങ്ങി.പെട്ടെന്നതാ,ഒരു മരം പ്രത്യക്ഷപ്പെട്ടു.അതില്‍ താന്‍ നേരത്തെ കണ്ട പക്ഷിയും. പെട്ടെന്നാണ് അനശ്വരയ്ക്ക് പിടികിട്ടിയത്,അതൊരു വാനമ്പാടിയാണ്.എങ്കില്‍ ഈ വാനമ്പാടിയെന്താണ് പാടാത്തത്.ശരിയായിരുന്നു ആ പക്ഷി ഇതുവരെ ഒരു ശബ്ദവും പുറപ്പെടുവിച്ചിരുന്നില്ല.പക്ഷെ അതിനെ കണ്ടാല്‍ പാടുകയാണെന്നു തോന്നും.അനശ്വരയ്ക്ക് എന്തോ പന്തികേട് തോന്നി.അവള്‍ ഒരു പാട്ടു പാടാന്‍ ശ്രമിച്ചു.ഒരു ശബ്ദവും പുറത്തു വന്നില്ല.ആ കിളി അപ്രത്യക്ഷമായി.പെട്ടെന്ന് അനശ്വരയ്ക്ക് പേടിയായി.അവള്‍ എങ്ങോട്ടെന്നില്ലാതെ ഓടാന്‍ തുടങ്ങി.ഓടിയോടി......

ആ...അനശ്വര നിലവിളിച്ചു.അവള്‍ ആ മനോഹരവും എന്നാല്‍ ശബ്ദമില്ലാത്തതുമായ സ്വപ്നത്തില്‍ നിന്നുണര്‍ന്നു.അവള്‍ കണ്ടത് വെറുമൊരു സ്വപ്നമാണെന്ന് അവള്‍ അപ്പോഴാണ് മനസ്സിലാക്കിയതും ആശ്വസിച്ചതും.ദൈവം എന്തിനാണ് ഇപ്പോള്‍ ഇങ്ങനെയൊരു സ്വപ്നം തന്നെ കാണിച്ചതെന്ന് അനശ്വരയ്ക്ക് മനസ്സിലായില്ല.അവള്‍ അമ്മയുടെ അടുത്തേക്ക് ഓടി.സ്വപ്നത്തിന്റെ കാര്യം പറയാന്‍.രാജകുമാരിയുടെ പടമുള്ള ടെക്സ്റ്റ്ബുക്ക് മേശയില്‍ നിന്ന് വഴുതി താഴെ വീണു. -റെയിന്‍ സൂസന്‍

ഏഴ്.ബി

ഉണ്ണി

ഉണ്ണികളുണരാനായിട്ടോ

സൂര്യനുദിക്കാനായിട്ടോ

പൂവുകള്‍ വിരിയാനായിട്ടോ

പക്ഷികളൊന്നായ് പാടുന്നു

-നോബിന്‍ ബിനോയ് ഒന്ന് ബി

അച്ചുവിന്റെ പട്ടം

കണ്ണിറുക്കും പട്ടം

വികൃതികള്‍ കാട്ടും പട്ടം

ചിരിച്ചു കാട്ടും പട്ടം

വര്‍ണ്ണക്കടലാസ് പതിച്ച പട്ടം

പലനിറങ്ങളുള്ള പട്ടം

സുന്ദരന്‍ പട്ടം

അച്ചുവിന്റെ സ്വന്തം പട്ടം

-കീര്‍ത്തി സുനില്‍ രണ്ട് എ

തത്ത

തത്ത നല്ല തത്ത

സുന്ദരിയായ തത്ത

തത്ത നല്ല തത്ത

വാ...വാ തത്തമ്മേ

എന്റെ മടിയില്‍ വന്നാട്ടേ

തത്ത നല്ല തത്ത

അല്ലെങ്കിലൊരു കൂടു തന്നീടാം

തത്ത നല്ല തത്ത

ചുവന്ന ചുണ്ടുള്ള തത്തയല്ലെ

തത്ത നല്ല തത്ത

പച്ച നിറം നിന്റെ നിറം

തത്ത നല്ല തത്ത

-അഭിറാം മൂന്ന് എ

ഓണത്തേരേറി

ഉത്രാടപ്പുലരിയുണര്‍ന്നൂ

ചിങ്ങപ്പൂമ്പുലരിയുണര്‍ന്നൂ

ചിങ്ങത്തിന്‍ തേരേറി ഓണം വന്നൂ

ഓണം വന്നൂ......

ഓണത്തേരേറി ഓണത്തപ്പന്‍ വരവായ്

സുഗന്ധമാധുരി പടര്‍ത്തുമെന്‍-

പൊന്നോണം വരവായ്

തുമ്പിക്കളിയാട്ടം തുടങ്ങി നാട്ടിലെങ്ങും

ഈ നാട്ടിലെങ്ങും...

ആനന്ദനാളെത്തി,ഓണത്തിന്‍ നാളെത്തി

ഓണം വന്നൂ...പൊന്നോണം വന്നൂ...

തിരുവോണപ്പുലരിയില്‍...ആനന്ദപ്പുലരിയില്‍...

ഓണത്തേരേറി പൊന്നോണനാളെത്തി...

-ആര്യ എല്‍ എസ് ഏഴ്.എ

പ്രഭാതം (വര്‍ണ്ണന)

ഇരുട്ടിന്റെ അന്ധത മെല്ലെ അണയാന്‍ തുടങ്ങി.പച്ചപ്പട്ടുടുത്ത നെല്‍ക്കതിരുകള്‍ പതിയെ തലയുയര്‍ത്തി നോക്കി.കൊച്ചു പക്ഷികള്‍ പാറിപ്പറക്കാന്‍ തുടങ്ങി.വലിയ പക്ഷികള്‍ ആഹാരം തേടാനുള്ള ചലപില കൂട്ടുന്നു.ഇലകളില്‍ പറ്റിയിരിക്കുന്ന മഞ്ഞുത്തുള്ളികള്‍ പതിയെ താഴേക്ക് വീഴാന്‍ തുടങ്ങി.അവ വജ്രം പോലെ തിളങ്ങുകയും ചെയ്യുന്നു.സൂര്യന്റെ രശ്മികള്‍ പൂക്കളില്‍ പതിച്ച് അവ മെല്ലെ വിടരാന്‍ തുടങ്ങി.വണ്ടുകളും ചിത്രശലഭങ്ങളും തുമ്പികളും തേന്‍ നുകരുന്നു.പൂമണം വിതറിക്കൊണ്ട് ഇളം കാറ്റ് വീശാന്‍ തുടങ്ങി. ആര്യ സജീവ് ഏഴ്. സി

കന്യാകുമാരിയുടെ ഹൃദയത്തിലൂടെ.....

യാത്ര ചെയ്യുവാന്‍ ഇഷ്ടമില്ലാത്തവര്‍ ചുരുക്കമാണ്.എനിക്ക് യാത്ര ചെയ്യുവാന്‍ വളരെയധികം ഇഷ്ടമുണ്ട്.ഏതൊരു വ്യക്തിയും പ്രകൃതിയെ ഒരു പക്ഷെ ആസ്വദിക്കുന്നത് ഇത്തരം ചില യാത്രകളിലൂടെയാണ്.ജീവിതത്തില്‍ ഒരു പക്ഷെ മറക്കാനാവാത്ത അനുഭവമാണ് യാത്ര.അത്തരമൊരു യാത്ര എന്റെ ജീവിതത്തില്‍ വന്നു.കന്യാകുമാരിയിലേക്കുള്ള യാത്ര.ഒരു സുപ്രഭാതത്തില്‍ ഞാനും എന്റെ കുടുംബവും ബന്ധുക്കളും ഒരുമിച്ചൊരു യാത്ര.മഞ്ഞു കാലമായിരുന്നു.ഏതാണ്ട് ഡിസംബര്‍ മാസത്തോടടുത്ത്.അതിരാവിലെ തന്നെ യാത്ര പുറപ്പെട്ടു.ആദ്യം പോയത് നെയ്യാറ്റിന്‍കര ശ്രീകൃഷ്ണ ക്ഷേത്രത്തിലായിരുന്നു.അവിടെനിന്ന് യാത്ര തിരിച്ച് ഞങ്ങള്‍ അതിര്‍ത്തി കടന്നു.അതിര്‍ത്തി വിട്ടപ്പോള്‍ മറ്റൊരു പ്രദേശത്തെത്തിയ പ്രതീതിയേ തോന്നിയില്ല.മനുഷ്യരും പ്രകൃതിയുമെല്ലാം നമ്മുടേതു പോലെ തന്നെ.അതില്‍ അത്ഭുതപ്പെടാനില്ലല്ലോ. 1956 വരെ കന്യാകുമാരി ജില്ല കേരളത്തിന്റെ ഭാഗമായിരുന്നു.പിന്നെപോയത് തൃപ്പരപ്പിലേക്ക്.ചിരപുരാതനമായ ഒരു ശിവക്ഷേത്രം തൊട്ടുരുമ്മി പ്രകൃതിരമണീയമായ വെള്ളച്ചാട്ടം.കുളിരില്‍ മനസ്സും ശരീരവും തണുപ്പിച്ച് മടക്കയാത്ര.തിരുവിതാംകൂര്‍ രാജ വംശത്തിന്റെ പൊയ്പ്പോയ പ്രൗഢിയും പ്രതാപവും വിളിച്ചറിയിച്ചുകൊണ്ട് പത്മനാഭപുരം കൊട്ടാരം തലയുയര്‍ത്തിപിടിച്ചങ്ങനെ നില്‍ക്കുന്നു.മാര്‍ത്താണ്ഡവര്‍മ്മ മഹാരാജാവാണ് തലസ്ഥാനം തിരുവനന്തപുരത്തിലേക്ക് മാറ്റി സ്ഥാപിച്ചത്.കൊട്ടാരം സ്ഥിതി ചെയ്യുന്നചത് തമിഴ്നാട്ടിലാണെങ്കിലും ഇപ്പോഴും അതിന്റെ ഉടമസ്ഥതാവകാശം നമുക്ക് തന്നെയാണ്.കൊട്ടാരകെട്ടുകളിലൂടെ കയറിയിറങ്ങുമ്പോള്‍ നമ്മുടെ പഴയ ഭരണാധികാരികളെ പറ്റിയും നാടിനെപ്പറ്റിയും അഭിമാനം തോന്നും.മലകളില്‍ മഞ്ഞു പുകകള്‍ പോലെ നിറഞ്ഞു നിന്നിരുന്നു.ഏതാണ്ട് സൂര്യപ്രകാശം വീഴുന്നതോടെ അവയൊക്കെ അല്പാല്പമായി അപ്രത്യക്ഷമായി.സഞ്ചാരികള്‍ക്ക് കൗതുകം നല്‍കുന്ന ഒരു സംഘത്തെ കണ്ടു.അവരുടെ രസകരമായ കളികള്‍ ആസ്വദിച്ചു നിന്നു.അവയ്ക്ക് ഞാന്‍ പഴവും അല്പം ചോറും ഇട്ടുകൊടുത്തു.അവയുടെ കളികള്‍ കണ്ട് സമയം പോയതറിഞ്ഞില്ല.അതുകഴിഞ്ഞ് പിന്നെയും ഞങ്ങള്‍ മുന്‍പോട്ട് പോയി.വഴിയരികില്‍ ശുചീന്ദ്രം ക്ഷേത്രം.കേരളീയ ശില്പ കലയുടെ മഹിമ വിളിച്ചറിയിക്കുന്ന അംബരചുംബിയായ ഗോപുരത്തിന്റെ ദൃശ്യം ആരെയാണ് അത്ഭുതപ്പെടുത്താത്തത്?ഐതിഹ്യങ്ങള്‍ അന്തിയുറങ്ങുന്ന മരുത്വാമലയും പിന്നിട്ട് കന്യാകുമാരിയിലേക്ക്..കന്യാകുമാരിഎത്താറായിആദ്യമായിട്ടാണ്കന്യാകുമാരിയില്‍പോകുന്നത.അതിന്റെസന്തോഷവുംഉത്സാഹവുംഎന്നിലുണ്ടായിരുന്ന.കന്യാകുമാരിയിലെത്ത.കടല്‍ക്കരയിലെത്തിയപ്പോള്‍ചൂടുകാറ്റുവീശി.ഇടിവെട്ടുന്ന ശബ്ദത്തോടെ ചാഞ്ചാടി വരുന്ന തിരമാലകളോടൊപ്പം കുറേ സമയം ചിലവഴിച്ചു.കടലിനകലെയായി ആധുനികഭാരതീയയുവത്വത്തിന്റെ പ്രതീകമായ സ്വാമി വിവേകാനന്ദന്റെ സ്മാരകം പ്രഭപൊലിഞ്ഞങ്ങനെ നില്‍ക്കുന്നു.തിരമാലകളോടു കളിച്ചതിനു ശേഷം പിന്നെ ഞങ്ങള്‍ വിവേകാനന്ദന്റെ പാറയിലേക്ക് യാത്രയായി.ബോട്ടില്‍ കയറി.ബോട്ട് വിവേകാനന്ദപ്പാറയുടെ അരികില്‍ എത്തി.ഞാന്‍ പാറയില്‍ കയറി.തിരമാലകള്‍ പാറയില്‍ അടിച്ചു കയറി.അവിടെയുള്ള കുമാരീദേവിയുടെ കാല്‍പാദങ്ങള്‍ ദര്‍ശിച്ചു.പിന്നെ തിരിച്ച് ബോട്ട് വന്നപ്പോള്‍ അതില്‍ കയറി കരയിലേക്ക് മടങ്ങി.ഞങ്ങള്‍ കരയിലെത്തിയപ്പോള്‍ എന്റെ മനസ്സിനെ വേദനിപ്പിക്കുന്ന ഒരു കാഴ്ച കണ്ടു.കന്യാകുമാരിയിലുള്ള വഴികളില്‍ അലഞ്ഞു തിരിഞ്ഞു നടക്കുന്ന ഒരു യാചികയും അവരുടെ കൂടെ ഒരു പൊടിക്കുഞ്ഞും.എനിക്ക് ആ കാഴ്ച്ച വളരെ വിഷമം ഉണ്ടാക്കി. അകലെ പടിഞ്ഞാറേചക്രവാളത്തില്‍ എരിഞ്ഞടങ്ങുന്ന ഒരു തീക്കനല്‍ പോലെ സൂര്യന്‍ കടലിലേക്ക് താഴുന്നു.വര്‍ണ്ണശബളമായ ആ കാഴ്ച്ച കണ്ട് കണ്ണും കരളും കുളിര്‍പ്പിച്ച് മടക്കയാത്ര ആരംഭിച്ചു.കന്യാകുമാരിയുടെ ഹൃദയത്തിലൂടെയുള്ള ഈ തീര്‍ത്ഥയാത്ര അവിസ്മരണീയമാണ്.

-സുമേഷ് എസ് ഏഴ്.എ

കാഴ്ചയില്ലാത്തവരുടെ കാഴ്ച

“അന്ധതയെന്ന ഇരുട്ടിന്‍ കൂട്ടില്‍

ജീവിച്ച് തീര്‍ക്കുന്ന കൂട്ടുകാരെ

മിന്നാമിന്നി കൂട്ടത്തെ പോലെ

മനസ്സിനൊത്തിരി വെട്ടമില്ലെ

പൂക്കള്‍ തന്‍ പൂന്തോട്ടമുള്ള

നിങ്ങള്‍ തന്‍ മനസ്സിന്‍ കാഴ്ചയില്ലെ”

-അര്‍ച്ചന അജികുമാര്‍ ഏഴ്.എ

അമ്മ

അമ്മ എന്നമ്മ

എന്റെ ജന്മസുകൃതമീയമ്മ

എന്തു പുണ്യം ചെയ്തു

ഞാന്‍ എനിക്കീ അമ്മയെ ലഭിക്കാന്‍

അമ്മയില്ലാത്തൊരു ജീവനുണ്ടോ

അമ്മയില്ലാത്തൊരു സ്വര്‍ഗ്ഗമുണ്ടോ

അമ്മയെന്നുമൊരു ദേവിയല്ലേ

അമ്മയെന്നുമൊരു സാന്ത്വനമല്ലേ

അമ്മയില്ലാത്തവരാരുണ്ട്?

അമ്മയെ വെറുക്കുന്നവരാരുണ്ട്?

എന്റെ ഈ അമ്മയ്ക്ക് നല്കുവാന്‍

ജന്മമല്ലാതിന്നെന്തുണ്ട്?

എന്നുടെ ജന്മമല്ലാതിന്നെന്തുണ്ട്?

എന്റെ ജീവന്റെ ജീവനാണീ അമ്മ

എന്റെ സ്വപ്ന സാക്ഷാത്ക്കാരമാണ് ഈ അമ്മ

അമ്മ എന്നമ്മ. -ആരതി കൃഷ്ണ ഏഴ്.സി

പൂമ്പാറ്റ

വര്‍ണ്ണപ്പകിട്ടിന്റെ

രസവര്‍ണ്ണങ്ങളുമായി പൂമ്പാ

പൂക്കള്‍ തേടിനടക്കും

പൂമ്പാറ്റ

പൂന്തോട്ടത്തില്‍ പാറി നടക്കും

പൂമ്പാറ്റ

പാറിനടക്കുമ്പോള്‍ എന്തു രസം

ഒന്നു തൊട്ടു തലോടുമ്പോള്‍ എന്തു രസം

-സ്നേഹ രാജ് ബി

ആറ് സി

അമ്മ

അമ്മിഞ്ഞയൂട്ടി താരാട്ടുപാടി

ഉമ്മവെച്ചോമനിച്ചെന്റെയമ്മ

തൊട്ടിലിലാട്ടി കൈകൊട്ടിപ്പാടി

തേച്ചു കുളിപ്പിച്ചെന്റെയമ്മ

പിച്ച നടക്കാന്‍ കൊതിച്ചൊരെന്നെ

വീഴാതെയെന്നും നോക്കിയമ്മ

രാവും പകലും ഒപ്പം നടന്നിട്ട്

കഥ ചൊല്ലിയെന്നെ വളര്‍ത്തിയമ്മ

നന്മകളെമ്പാടുമൂട്ടിയമ്മ

തിന്മയെ ദൂരെകയറ്റിയമ്മ

ഇത്രയുമെന്നെ വളര്‍ത്തിയമ്മ

ആ അമ്മയെനിക്കെല്ലാമാണ്

നിങ്ങള്‍ക്കുമങ്ങനെ തന്നെയല്ലെ- -ആര്‍ച്ച എല്‍ പി ആറ് സി

മഴത്തുള്ളി

തുള്ളി തുള്ളി വീഴാനെത്തീ

പെരുമഴക്കാലം

സൂര്യനെങ്ങോ ഓടിമറഞ്ഞൂ

കാര്‍മേഘങ്ങള്‍ വരവായി

ധും ധും ധും ധും ഇടിയുമെത്തി

മിന്നി മിന്നി മിന്നലും

വീശി വീശി കാറ്റുമെത്തി

കാറ്റത്താടീ പുല്‍ക്കൊടികള്‍

ക്രോം ക്രോം പാടിയെത്തി

തവളച്ചേട്ടന്മാരും

മണ്ണിനും വിണ്ണിനും കുളിരേകാന്‍

ചറപറ ചറപറ മഴപെയ്തൂ

തുള്ളി തുള്ളി വീണു തുടങ്ങി

പെരുമഴക്കാലം -അര്‍ച്ചന അജികുമാര്‍ ഏഴ് എ

കുസൃതി പൂമ്പാറ്റ

തത്തി തത്തി പാറി വരും

കുഞ്ഞി പൂമ്പാറ്റ

മഴവില്‍ പൂമ്പടി വാരി പൂശും

അഴകിയ പൂമ്പാറ്റ

പുന്തേനുണ്ണാന്‍ കൊതിയോടെത്തും

പുള്ളി പൂമ്പാറ്റ

കുഞ്ഞി പൂവില്‍ മുത്തം നല്‍കും

കുസൃതി പൂമ്പാറ്റ

-ഷസ്ന എ വി ഒന്ന് എ

വിഷുക്കൈനീട്ടം

മേടപ്പുലരിയണഞ്ഞപ്പോള്‍

കാടും മേടും പൂത്തപ്പോള്‍

നാടൊട്ടുക്കും കേള്‍ക്കാറായ്

ചടപട ചടപട മേളാങ്കം !

ലാത്തിരി പൂത്തിരി കത്തുന്നു

മത്താപ്പൂവ് ചിരിക്കുന്നു

എങ്ങും പുത്തന്‍ വിഷുവെത്തീ

മുറ്റത്തെല്ലാം കണിയെത്തീ!

തൊടിയില്‍ നിന്ന കണിക്കൊന്ന

അടിമുടിപൂത്തൂ താലോലം

പാറിയണഞ്ഞ വിഷുപ്പക്ഷി

പാടീ വിത്തും കൈക്കോട്ടും !

പുത്തന്‍ പൂക്കണി കണ്ടിട്ട്

തത്തിച്ചാടിയണഞ്ഞപ്പോള്‍

കുട്ടനു നല്‍കീ മുത്തച്ഛന്‍

കുഞ്ഞിക്കൈയ്യില്‍ കൈനീട്ടം!

-അഭിഷേക് എസ് നാല് ബി

റോസ

റോസാപ്പൂവേ കൊച്ചു പൂവേ

നീയാണല്ലോ പൂവിന്‍ റാണി

മുള്ള് നിറഞ്ഞ നിന്‍ ശരീരം

എന്തു ഭംഗി കാണുവാന്‍

പല നിറത്തിലുള്ള മേനി കാണാന്‍

സുന്ദരം റോസാപ്പൂവേ കൊച്ചു പൂവേ

പരിമണമേകും കുഞ്ഞു പൂവേ

-സോജ എസ് എസ് ഒന്ന് എ

എന്റെ നാട് എത്ര സുന്ദരം!

എന്റെ നാട് കേരളം

കേരളമെന്‍‍ ജീവന്‍

കുന്നുകളും വയലുകളും

നിറഞ്ഞ നാട്

തെളിവെള്ളമൊഴുകുന്ന

പുഴയുണ്ട് തോടുണ്ട്

പൂത്തുലഞ്ഞ് നില്‍ക്കുന്ന

മരങ്ങളുണ്ട്

മിന്നിത്തിളങ്ങുന്ന

നക്ഷത്രങ്ങള്‍

നിലാവ് പരത്തുന്ന

ചന്ദ്രനുമുണ്ട്

സഹ്യന്റെ മാറില്‍

തലചായ്ച്ചുറങ്ങുന്ന

സൂര്യപ്രകാശത്താല്‍

ഉണരുന്ന നാട്

എന്‍ പ്രിയ നാടേ

തൊഴുന്നു ഞാന്‍ നിന്നെ

എത്ര സുന്ദരം

എന്റെ സ്വന്തം നാട്

-ശ്രുതിലയ എസ് ആര്‍

മഴ

മഴ മഴ മഴ മഴ പെയ്യുന്നു

മാനത്തെ കാവിലെ ഉത്സവമാണ്

ഇടി വെട്ടുന്നു ഇടി വെട്ടുന്നു

തവളകള്‍ ചാടി കളിച്ചല്ലോ

പുഴയായ പുഴയെല്ലാം കവിഞ്ഞൊഴുകി

അമ്മിണിക്കുട്ടിക്ക് സന്തോഷം,

പുഴയിലെ മീനിനും സന്തോഷം

-അനാമിക ആര്‍ ജി നാല് ബി

നാല് എ

Conversation between two elephants

Ramu elephant:Hi Appu elephant

Appu elephant:Hi Ramu

Ramu elephant:How are you?

Appu elephant:I am fine how are you?

Ramu elephant:I am fine

Appu elephant:Do you like sugarcane?

Ramu elephant:Yes I like sugarcane

Appu elephant: Oh the time is 12:pm.Tata.I am going home.

Ramu elephant: Tata.

-അരവിന്ദ് ബി.എല്‍ നാല്.ബി

രാജകുമാരി

അമ്പിളി എന്നൊരു രാജകുമാരി

പുഞ്ചിരി തൂകി മാനത്തു നില്‍പ്പൂ

നക്ഷത്രത്തോഴികള്‍തന്‍ നടുവില്‍

സന്തുഷ്ടയായവള്‍ നില്‍ക്കുന്നു

നിശയില്‍ വിളക്കാം രാജകുമാരി

കുഞ്ഞുങ്ങളുടെ തോഴിയാം രാജകുമാരി

പലപല രൂപം രാജകുമാരിക്ക്

എന്നും പുഞ്ചിരി തന്നെ മുഖത്ത്

- അശ്വിനി എം രാജേഷ് രണ്ട്.എ

മഴക്കാല അനുഭവം

ഈ അവധിക്കാലത്താണ് എനിക്കീ അനുഭവം ഉണ്ടായത്. എന്‍റെ കുടുംബവും എന്റെ അച്ഛന്റെ സഹോദരിയുടെ കുടുംബവും കൂടി പൊന്‍മുടി,മീന്‍മുട്ടി എന്നിവിടങ്ങളില്‍ പോയത്. മീന്‍മുട്ടി വെള്ളച്ചാട്ടം കണ്ട് ഇറങ്ങുന്നതിന് മുമ്പ് മഴ പെയ്തു. ഞാന്‍ കുറച്ചു മഴ നനഞ്ഞു. അച്ഛന്‍ വേഗം വരികയെന്ന് പറഞ്ഞു. അച്ഛന്‍ ഇങ്ങനെ പറഞ്ഞതിനാല്‍ ഞങ്ങള്‍ വേഗം നടന്നു വന്ന് കാറില്‍ കയറി.അവിടെ നിന്ന് പൊന്‍മുടിയിലേക്ക് പോയപ്പോള്‍ നല്ല മഴയായിരുന്നു. അങ്ങനെ ഞങ്ങള്‍ പൊന്‍മുടിയിലെത്തി. മഴയ്ക്ക് നിര്‍ത്താനുള്ള ഭാവമില്ലായിരുന്നു. ഞങ്ങള്‍ കാറില്‍ കയറി മലയുടെ മുകളില്‍ പോയി. അപ്പോഴേക്കും മഴ ശമിച്ചു. ഞങ്ങള്‍ ഒരു അത്ഭുത കാഴ്ച കണ്ടു. മൂടല്‍ മഞ്ഞ്. മൂടല്‍ മഞ്ഞ് ഞങ്ങളെയാകെ മൂടി.അച്ഛന്‍ പറഞ്ഞു മഴ പെയ്തതുകൊണ്ടാണ് മൂടല്‍ മഞ്ഞ് വന്നത്. ഈ കാഴ്ച എന്റെ മുന്നില്‍ കൊണ്ട് തന്നതിന് ഞാന്‍ ഒരായിരം നന്ദി മഴയ്ക്ക് കൊടുത്തു. തിരിച്ച് വന്നപ്പോള്‍ ഞാന്‍ സന്തോഷവതിയായിരുന്നു. അവിചാരിതമായി എനിക്ക് കിട്ടിയ മഴയുടെ ഈ സമ്മാനത്തിന്റെ മധുരസ്മരണകളും നെഞ്ചിലേറ്റിയായിരുന്നു പിന്നീട് എന്റെ യാത്ര.

-ശ്രുതിലയ എസ്.ആര്‍ നാല്. എ

The bat in the middle

Once the birds were at war with the beasts.Many battles were fought with varying success on both sides.The bat did not throw in his lot definitely with either party.When things went well for the birds he was found fighting in their ranks and when,on the other hand the beasts got the upper hand he was to be found fighting with them.

Neither the beasts nor the beasts paid any attention to him while the war lasted.But when it was over,and peace was restored,no one would have anything to do with so-double-faced a traitor,and so he remains to this day a solitary outcast from both the parties.

Moral:Never play from both the sides.

-രേഷ്മ വിന്‍സന്റ് ആറ്.സി

My yellow little flower

I have a little flower

It is in my pretty garden

It is yellow and beautiful

Flies and bees dance in it.

I like my yellow little flower.

It has a yellow coat.

How sweet it's perfume is

It's petals are soft and pretty

And it gives a nice feast

To my eyes.

What shall I call you flower

In not many words

I describe you in my heart.

I shall find a name one day.

I know you will be happy with it.

-സഫ്ന കബീര്‍ ഏഴ് സി

എന്റെ യാത്രാ വിവരണം

ഞാനും എന്റെ കുടുംബവും ആദ്യമായി പോയത് കന്യാകുമാരിയിലാണ്. കഴിഞ്ഞ ഓണത്തിനാണ് ഞങ്ങള്‍ പോയത്. രാവിലെ ആറ് മണിക്കാണ് ഞങ്ങള്‍ പുറപ്പെട്ടത്. ട്രയിനിലാണ് ഞങ്ങള്‍ പോയത്. എനിക്ക ജനാല അറ്റത്താണ് സീറ്റ് കിട്ടിയത്. ആദ്യമൊക്കെ എനിക്ക് ഭയങ്കര പേടിയായിരുന്നു. പിന്നെ പിന്നെ പേടി മാറി തുടങ്ങി. ഓരോ കാഴ്ചകളും നല്ല രസമായിരുന്നു. അങ്ങനെ പത്ത് മണിയായപ്പോള്‍ ഞങ്ങള്‍ കന്യാകുമാരിയിലെത്തി.അവിടേയും നല്ല കാഴ്ചകള്‍ ഉണ്ടായിരുന്നു. ഞങ്ങള്‍ കടലില്‍ കുളിച്ചു. ഭയങ്കര തണുപ്പായിരുന്നു. കുറെ സാധനങ്ങള്‍ വാങ്ങി.ഞങ്ങള്‍ കുതിരയുടെ പുറത്ത് കയറി. ഞങ്ങള്‍ പാര്‍ക്കില്‍ പോയി.അവിടെ നല്ല രസകരമായി കളിച്ചു. രാത്രിയായി, അപ്പോള്‍ ഞങ്ങള്‍ ഒരു ഹോട്ടലില്‍ താമസിച്ചു. എന്നിട്ട് പിറ്റേന്നു രാവിലെ വീട്ടിലേക്ക് പുറപ്പെട്ടു. വീട്ടില്‍ വന്നപ്പോള്‍ 12.30 മണിയായിരുന്നു.

- നീതു. . ഒ എസ്

നാല്.എ

ആസ്വാദനക്കുറിപ്പ്

ബുക്കിന്റെ പേര് - ആനക്കുട്ടിയും മറ്റു കഥകളും

ഇഷ്ടപ്പെട്ട കഥ - ആനക്കുട്ടി രക്ഷകനായി

ഇഷ്ടപ്പെട്ട കഥാപാത്രം -ആനക്കുട്ടി

ദൂരെ ദൂരെ സുന്ദരമായ സുന്ദരമായ ഒരു പ്രദേശമുണ്ടായിരുന്നു.നോക്കെത്താദൂരത്തോളം പുല്‍മേടുകള്‍,നല്ല വായു. ആകാശത്തേക്ക് കണ്ണോടിച്ചാല്‍ കമ്പിളി പോലുള്ള വെണ്‍മേഘങ്ങള്‍ പറന്നു നടക്കുന്നതു കാണാം. പുല്‍മേടുകള്‍ക്കിടയ്ക്ക് പൂക്കളും പഴങ്ങളും നിറഞ്ഞ മരങ്ങള്‍ പുല്‍പ്പരപ്പിന് പുതുമയുടെ ഗന്ധമാണുള്ളത്. അവിടവിടെയായി കുന്നുകളും മരങ്ങളും കാണപ്പെടുന്നു. അവിടെ ഒരാനക്കുട്ടിയുണ്ടായിരുന്നു.ടഢ്ലി എന്നു പേരുണ്ടായിരുന്നു.അവന്‍ സഹജീവികളെ സഹായിക്കാന്‍ എപ്പോഴും സന്നദ്ധനായിരുന്നു. അവന് നല്ല കൂടുകാരുണ്ടായിരുന്നു. അവന്‍ ഒരു ആനക്കുട്ടിയായിരുന്നു.

എനിക്ക് ഇഷ്ടപ്പെട്ട കഥാപാത്രം -ആനക്കുട്ടി.

എന്തുകൊണ്ട്-അവന്‍ എല്ലാവരെയും സാഹായിക്കും.

-തെന്നല്‍ ഡി.കെ

നാല്.എ My mother

My mother is sweet

I love my mother

My mother gives me love

My mother is like a God

My mother hugs me

My mother is a symbol of love

My mother is freshness of my love

-അര്‍ച്ചന അജികുമാര്‍

ഏഴ് എ

സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് പ്രസിദ്ധീകരിക്കുന്ന തളിര് മാസികയില്‍ പ്രസിദ്ധീകരിച്ച കഥ

ഉണ്ടനും ഉണ്ടിയും പുലിയച്ചനും

തലമുറകളായി കൈമാറിവരുന്ന ഒരു മുത്തശ്ശിക്കഥയുടെ കാവ്യരൂപം.അതാണ് ഉണ്ടനും ഉണ്ടിയും പുലിയച്ചനും. കേരള സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് പ്രസിദ്ധീകരിച്ച ഈ പുസ്തകത്തില്‍ രചന നിര്‍വഹിച്ചിരിക്കുന്നത് സിപ്പി പള്ളിപ്പുറമാണ്. തൂലികയാല്‍ ഒരു പഴങ്കഥയെ പുത്തന്‍ കവിതയാക്കുകയാണ് ഇതില്‍ . കഥകള്‍ പറയേണ്ട മുത്തശ്ശിമാര്‍ ടെലിവിഷന് മുമ്പില്‍ ചടഞ്ഞുകൂടിയിരിക്കെ തികച്ചും വ്യത്യസ്തമായ വായനാനുഭവമാകും ഇത് നമുക്ക് സമ്മാനിക്കുക. ഉണ്ടനും ഉണ്ടിക്കും നെയ്യപ്പം തിന്നാന്‍ കൊതിയായി,ശര്‍ക്കരയും അരിയും തയ്യാറാക്കിവച്ച ശേഷം ചുള്ളി പെറുക്കുവാന്‍ ഇരുവരും പോയി. ഒരു കെട്ട് ചുള്ളി ഉണ്ടിയുടെ തലയില്‍ ഇരുവരും ചേര്‍ന്ന് വച്ചു . ഉണ്ടന്റെ തലയില്‍ ചുള്ളി വയ്ക്കാന്‍ ആ വഴി വന്ന പുലിയച്ചനോട് അവര്‍ സഹായം ആവശ്യപ്പെട്ടു.പത്തു നെയ്യപ്പം പകരം വേണമെന്ന കരാറില്‍ പുലി സമ്മതിച്ചു.നെയ്യപ്പം ഉണ്ടാക്കി.മാത്രമല്ല,പത്തു നെയ്യപ്പം മാറ്റി വയ്ക്കുകയും ചെയ്തു.ബാക്കിയുള്ളവ കഴിച്ചു കഴിഞ്ഞപ്പോള്‍ ഇരുവര്‍ക്കും ആര്‍ത്തിയായി.തമ്മിലറിയാതെ പുലിയുടെ പങ്ക് ഇരുവരും കഴിച്ചു.ഇരുവര്‍ക്കും പേടിയായി.രണ്ടു പേരും കൂടി ഒരു കെണിയൊരുക്കി.നായയേയും കാളയെയും പടിക്കല്‍ നിര്‍ത്തി.തൊട്ടടുത്ത് നെല്ലിക്കയും കാരമുള്ളും വിതറി; കാരമുള്ളിനുമേല്‍ പായ വിരിച്ചു.തൊട്ടടുത്ത് ഒരു പാത്രത്തിലെണ്ണയും അതില്‍ പാമ്പിനെയും വച്ചു.വിദഗ്ദ്ധമായി ഒരുക്കിയ ഈ കെണിയില്‍ പുലിയച്ചന്‍ പെട്ടു എന്നാണ് പിന്നീടുള്ള വരികള്‍ അറിയിക്കുന്നത്.

വാക്കു പാലിക്കാതെ മാര്‍ഗ്ഗമുണ്ടോ;

ജീവന്‍ കളഞ്ഞിട്ടു കാര്യമുണ്ടോ?

ഈ വരികള്‍ എനിക്കു കൂടുതല്‍ ഹൃദ്യമായി അനുഭവപ്പെട്ടു.വാക്കു പാലിക്കേണ്ടതിന്റെ ആവശ്യകതയെപ്പറ്റിയും സ്വജീവന്‍ രക്ഷിക്കുകയാണ് ഏറ്റവും പ്രധാനമെന്നും ഈ വരികള്‍ പ്രതിപാദിക്കുന്നു.ഉണ്ടനെയും ഉണ്ടിയേയും സിപ്പി അവതരിപ്പിക്കുന്നതു രസകരമായാണ്. വായിക്കുന്ന നിമിഷം തന്നെ അവരുടെ രൂപം ഉള്ളില്‍ ഉണരും.പേരുപോലെ തന്നെ പൊക്കക്കുറവുള്ള അവരെ ഉണ്ട പോലെയും മദ്ദളം പോലെയുമാണ് സിപ്പി അവതരിപ്പിക്കുന്നത്.മാത്രമല്ല,ചില പഴയ വാക്കുകള്‍ അല്ലെങ്കില്‍ ഇപ്പോള്‍ പ്രചാരത്തിലില്ലാത്ത വാക്കുകള്‍ വായിക്കാനും മനസ്സിലാക്കാനും അര്‍ത്ഥം കണ്ടുപിടിക്കാനും ഈ പുസ്തകം സഹായിച്ചു .പൂതി ,ഇറയം എന്നിവയാണവ. പിന്നെ അപ്പം ഉണ്ടാക്കിയത് ഉണ്ടിയാണെങ്കിലും സത്യത്തില്‍ അത് വായിക്കുമ്പോള്‍ വായില്‍ കപ്പലോടിക്കാന്‍ വെള്ളം വന്നു.അത്രയ്ക്ക് കൊതിയൂറും വിധത്തിലാണ് സിപ്പി അത് അവതുരിപ്പിക്കുന്നത്.

കണ്ടാല്‍ കൊതിക്കുന്ന പുത്തനപ്പം

ചക്കരയപ്പം , മധുരയപ്പം

…..................................

എന്നിട്ടുമെന്നിട്ടും തങ്ങിനിന്നു

നാവില്‍ക്കൊതിയുടെ തേന്മധുരം

വായിക്കുമ്പോള്‍ ചക്കരയപ്പം ഇഷ്ടമില്ലാത്ത കുട്ടികള്‍ക്കു പോലും കൊതി വരും തീര്‍ച്ച.പുലിയെപ്പോലെ വന്ന് പൂച്ചയെപ്പോലെ പോയി എന്ന വരിയുടെ അര്‍ത്ഥം ബോധ്യപ്പെടുത്താനായി പുലിയ്ക്ക് വച്ചിരുന്ന അപ്പം കഴിക്കാന്‍ പതുങ്ങിപ്പോയ ഉണ്ടനെക്കുറിച്ചുള്ള വരി വായിച്ചപ്പോള്‍.

ഉണ്ടന്‍ പതുക്കെയടുക്കളയില്‍

പൂച്ചയെപ്പോലെ കടന്നുചെന്നു.

പിന്നെ രസിച്ച് ചിരിക്കാന്‍ തോന്നിയത് ഉണ്ടനെത്തന്നെ ഉള്ളിലാക്കും എന്നു പറഞ്ഞ് മനുഷ്യരെപ്പേടിപ്പിക്കുന്ന പുലി ഒരു ചക്കരയപ്പം തിന്നാന്‍ കൊതിച്ചുവരുന്ന കാര്യം വായിച്ചപ്പോഴാണ്.ഒരടി വച്ചാല്‍ നമ്മള്‍ തവിടുപൊടിയാകുന്ന പുലിയെ മനുഷ്യബുദ്ധിയും കൗശലവും കൊണ്ട് ഉണ്ടനും ഉണ്ടിയും ഓടിച്ചില്ലേ? വലിപ്പത്തിലല്ല കാര്യമെന്ന് ഈ പുസ്തകം പഠിപ്പിക്കുന്നു.

ഈ ചെറുകവിതയ്ക്ക് T R രാജേഷിന്റെ ചിത്രങ്ങള്‍ മാറ്റുകൂട്ടുന്നു .സിപ്പി പള്ളിപ്പുറവും T R രാജേഷും ചേര്‍ന്ന് ഈ കവിതയെ മനോഹരമാക്കുന്നു. കാവ്യലോകമാകുന്ന ആകാശത്തെ മിന്നിത്തിളങ്ങുന്ന നക്ഷത്രമാണ് ഈ പുസ്തകം.

-ലക്ഷമി സുനില്‍

ആറ് ബി

പത്രവാര്‍ത്ത
എന്നവസാനിക്കും ഈ ക്യൂ?
ജഗതി:വറുതി മൂലം ജഗതിയിലെ കിള്ളിയാര്‍ വറ്റി വരണ്ടു. ഇപ്പോള്‍ ജനങ്ങള്‍ വന്‍ പ്രതിസന്ധിയിലാണ്. കുഴല്‍ കിണറാണ് ജനങ്ങളുടെ ഏക ആശ്രയം. ഇടയ്ക്കിടയ്ക്ക് അതില്‍ വെള്ളം വരില്ല. ഇതുമൂലം രാവിലെമുതല്‍ വെള്ളത്തിനു വേണ്ടിയുള്ള ക്യൂ ആരംഭിക്കുകയാണ്. അതുകാരണം നഗരത്തില്‍ ട്രാഫിക്ക് ബ്ലോക്ക് വര്‍ദ്ധിക്കുകയാണ്. തങ്ങള്‍ക്ക് വെള്ളം വേണമെന്ന ആവശ്യത്തോടെ ജഗതിയിലെ SFI പ്രവര്‍ത്തകര്‍ നഗരത്തില്‍ മാര്‍ച്ച് നടത്തി. തങ്ങളുടെ കഷ്ടപ്പാട് കണ്ടിട്ട് ഗവണ്‍മെന്റ് കണ്ണയ്ക്കുകയാണെന്ന് ജഗതി കൗണ്‍സിലര്‍ ശ്രീമതി ഷീജാ മധു മാധ്യമങ്ങളോട് പറഞ്ഞു. ഇനിയും തങ്ങള്‍ക്ക് വെള്ളം ലഭിച്ചില്ലെങ്കില്‍ സെക്രടറിയേറ്റിനു നേരെ മാര്‍ച്ച് നടത്തുമെന്ന് SFI പ്രവര്‍ത്തകര്‍ മാധ്യമങ്ങളോട് പറഞ്ഞു. വരള്‍ച്ചമാറുന്നതുവരെ ജഗതിയില്‍ ടാങ്കര്‍ ലോറിയില്‍ വെള്ളം നിറച്ച് എത്തിക്കണമെന്നാവശ്യപ്പെട്ട് ജനങ്ങള്‍ കോര്‍പറേഷന്‍ മേയര്‍ക്ക് നിവേദനം നല്‍കി. ഈ നീണ്ട ക്യൂ എന്നവസാനിക്കും എന്നത് ഒരു ചോദ്യചിഹ്നമായി നീണ്ടുനില്‍ക്കുന്നു -അനിനാശ്
ഏഴ്.സി
കാത്തിരിപ്പ്
പെട്ടെന്ന് ടീച്ചര്‍ ക്ലാസിലേക്ക് വന്നു. എല്ലാവരും എഴുന്നേറ്റു.ടീച്ചര്‍ ഹാജര്‍ വിളിച്ചു കഴിഞ്ഞു.ഉടന്‍ റീത വിളിച്ചു പറഞ്ഞു, ടീച്ചര്‍ ഈ മഞ്ചുവിന്റെ അടുത്ത് ഇരിക്കാന്‍ എനിക്കാകില്ല.അവളെ നാറുന്നു. കുട്ടികള്‍ എല്ലാവരും മഞ്ചുവിനെ നോക്കി. ടീച്ചര്‍ മഞ്ചുവിനെ അരികില്‍ വിളിച്ചു. അരികില്‍ എത്തി തല്‍ക്ഷണം ടീച്ചര്‍ മൂക്കുപൊത്തി ചോദിച്ചു, എന്താ കുട്ടീ നീ കുളിച്ചില്ലേ? മാളുവിന്റെ ഉത്തരം കേള്‍ക്കാന്‍ പോലും കാത്തുനില്‍ക്കാതെ അവര്‍ അവളെ പുറത്താക്കി. അവള്‍ പുറത്തേക്ക് വച്ചുപിടിച്ചു. സ്കൂളിലെ ടാപ്പു തുറന്നു. രക്ഷയില്ല. അതിലും ഒരിറ്റു വെള്ളമില്ല. അവള്‍ പുറത്തേക്ക് നടന്നു. നഗരത്തില്‍ താമസിക്കുന്ന ടീച്ചര്‍ക്ക് എന്തു വേണമെങ്കിലും പറയാം. അവര്‍ വെള്ളം അനാവശ്യമായിപ്പോലും ഉപയോഗിക്കുന്നു. നമ്മുടെ ഗ്രാമത്തിലെ ജലക്ഷാമം ആരു തിരിച്ചറിയാന്‍? ഇവിടെ കുടിക്കാന്‍ പോലും വെള്ളമില്ല. അപ്പോഴല്ലെ ടീച്ചറിന് കുളിക്കാതെ വന്നതില്‍ കുറ്റം.
അങ്ങനെ നടക്കുമ്പോള്‍ പല പൊതു ടാപ്പുകളും കണ്ടു. അവയുടെ വറ്റിവരണ്ട പരിസരം കണ്ടാല്‍തന്നെ അറിയാം വെള്ളം കണ്ടിട്ട് നാളുകളേറെയായെന്ന്. എന്നിട്ട് അവള്‍ ഓരോന്നായി പരിശോധിച്ചു നടന്നു.എങ്ങാനും വെള്ളം ഉണ്ടെങ്കിലോ? അങ്ങനെ നടക്കവെ വഴിയില്‍ കണ്ട ഒരു ടാപ്പ് പരിശോധിച്ചു. ടാപ്പ് തുറന്നു നോക്കി.അത്ഭുതം! അതില്‍ നിന്ന് ജലകണികകള്‍ വരുന്നു. അവള്‍ സമയം പാഴാക്കാതെ ജലകണികകള്‍ അമൃതുപോലെ നുണഞ്ഞു. അരികില്‍ കണ്ട നായയ്ക്കും കുറച്ചു ജലം നല്‍കി. അച്ഛന്‍ വീട്ടില്‍ ഒറ്റയ്ക്കാണ് അദ്ദേഹത്തിനും ജലം ആവശ്യമാണെന്ന് അവള്‍ ഓര്‍ത്തു. അവള്‍ ഒരു സംഭരണിക്കായി പരിസരം മുഴുവന്‍ തിരഞ്ഞു.പക്ഷെ അവള്‍ക്ക് സംഭരണി കിട്ടിയില്ല. ദീര്‍ഘ നിശ്വാസം പോലും വിടാതെ അവള്‍ വീട്ടില്‍ എത്തി. പാത്രവുമായി തിരിച്ച് ഓടി. അവളോട് അച്ഛന്‍ എന്തോ ചോദിച്ചു. മഞ്ചുവിന് മിണ്ടാന്‍ പോലും സമയമില്ലായിരുന്നു. പാത്രവുമായി അവള്‍ ടാപ്പിനു മുന്നിലെത്തിയപ്പോള്‍ അവള്‍ സ്തംഭിച്ചുപോയി. ജലം കിട്ടാതെ വലയുന്നവരുടെ കുത്തകയായി മാറിയിരിക്കുന്നു ആ ടാപ്പും അതിന്റെ പരിസരവും. ആ വരിയുടെ അവസാനം ജലം തീര്‍ന്നു പോകുമോ എന്ന ഭീതിയോടെ അവള്‍ നിന്നു.
-നന്ദുകൃഷ്ണന്‍ എ. എം ഏഴ് സി
എന്റെ വിനോദയാത്ര
ആദ്യത്തെ രണ്ടുവര്‍ഷങ്ങളില്‍ ഞാന്‍ ടൂര്‍ പോയില്ലായിരുന്നു. ഇത് അവസാന വര്‍ഷമായതുകൊണ്ട് കരഞ്ഞ് കരഞ്ഞ് സമ്മതം വാങ്ങി. ‍ഞാന്‍ അന്ന് ഉണര്‍ന്നത് 9 മണിക്ക്. ഞങ്ങള്‍ സ്കൂള്‍ വളപ്പില്‍ എത്തി. എന്നിട്ട് ആകാംഷയോടെ ബസ്സ് കാത്ത് നിന്നു. ബസ്സ് എത്തിയപ്പോള്‍ സന്തോഷത്തില്‍ പൂമഴ പെയ്തൊഴിഞ്ഞ അനുഭവമായിരുന്നു. ബസ്സില്‍കയറികുറച്ചുനേരംനിശബ്ദരായിരുന്നുഎല്ലാവരും.കുറച്ചുകഴിഞ്ഞപ്പോള്‍ ബസ്സ് ഒരു ഗാനമേള ട്രൂപ് എന്ന നിലയിലാണ് മാറിയത്. പാട്ട്,ഡാന്‍സ് എല്ലാം ഉണ്ടായിരുന്നു. ഹാപ്പിലാന്റില്‍ പോകാന്‍ കുറച്ചു ദൂരം മാത്രമേ ഉണ്ടായിരുന്നുള്ളു. ഹാപ്പിലാന്റില്‍ എത്തിയതിനു ശേഷം കുറച്ചു നേരം പുല്‍ത്തകിടില്‍ ഇരുന്നു. പിന്നെ ഹാപ്പിലാന്റില്‍ പ്രവേശിച്ചു. അപ്പോള്‍ എല്ലാ കുട്ടികളുടെയും
56
മുഖത്ത് ഒരു പുഞ്ചിരി കണ്ടു. ആദ്യം ഡാഷിംഗ് കാറിലാണ് കയറിയത്. അത് നല്ല രസമുള്ളതായിരുന്നു. അതിനുശേഷം ഞങ്ങള്‍ സ്വിമ്മിംഗ് പൂളിലേക്ക് ഇറങ്ങി. എനിക്കത് വളരെ ഇഷ്ടപ്പെട്ടു. അതില്‍ വന്ന ഒരു ചേച്ചിക്ക് അപസ്മാരം വന്നു. അതാണ് മറക്കാനാവാത്തത്. മൂന്നുപൂളിലും നന്നായി കളിച്ചു. അതിനു ശേഷം ഒരു വാട്ടര്‍ റൈഡിലേക്ക് കയറി അത് നല്ല രസമുള്ളതും ഭയാനകമായിരുന്നു. പിന്നെ എല്ലാവരെയും ഭക്ഷണം കഴിക്കാന്‍ വിളിച്ചു. അതിനുശേഷവും വെള്ളത്തില്‍ കലിച്ചു. വെള്ളത്തില്‍ നിന്ന് പലകളികളും കളിച്ചു. തൊട്ട് കളി,റേസ് അങ്ങനെ പല പല കളി കളിച്ചു. പിന്നെ നാലുമണിയായപ്പോള്‍ പുറപ്പെട്ടു. എല്ലാവരുടേയും മുഖത്ത് സന്തോഷം കണ്ടതുപോലെ സങ്കടവും കണ്ടു. പക്ഷെ അത് ഒരു വാഴയ്ക്കാ അപ്പത്തില് ഒതുക്കി. ആറുമണിക്ക് വീട്ടിലെത്തി. പിന്നെ എല്ലാവരോടും പോയ വിവരങ്ങള്‍ പറഞ്ഞു. ഈ വിനോദയാത്ര എനിക്ക് ഇഷ്ടപ്പെട്ടു.
-ജഗന്‍ ബി എല്‍
ഏഴ് എ

18 ഓഗസ്റ്റ്, 2017

സ്കൂൾ സ്പോർട്സ്2017